(Vertaald in het Drents deur Jan Veenstra):
Verscheuten rooie joggingboks
Iene had oe achterlaoten bij de kringloop
in een bak vol lubberleggings
en aandere sleetse juichpakken.
Ik beurd’ oe op,
inspekteerde elastiek en pluussiesstof,
het völ mij op dat er nog zoveul rek in oe zat.
Ik nam oe under de narms,
leup naor het pashokkie,
gung mit oen kruus op mien enkels
veur de spiegelwaand staon.
Hier stun een verleden.
Iene had oe an had
want ie zaten zo lekker
bij het kieken naor ‘Goede Tijden’
mit een zak paprika chips op schoot.
Ik probeerde het standtie ‘haanden in de buus’
En zag de meugelijkheden,
zoveul ruumte as ie nog altied beuden.
Het kostte mij tweivieftig
um een stukkie gries uut dizze wereld
te vervangen deur oen verscheuten rood.
En uut het zicht van het kassawichie fleut ik het liedtie van een filantropische wiesdompe