Op Valentijnsdag gef hij heur altied tulpen. Tulpen op een lieve kaort, tulpies van zulver anien klönken tot armband, maor miestal tulpen as boeket. De eerste tulpen van het jaor veur heur, zien lief. Het liefst in bonte kleuren, as symbool van een naodernd veurjaor en betere tieden. Heur verholding giet al jaoren met de jaorgetieden op en dele. As een schip zunder roer, overleverd an de elementen. De miest donkere maonden van het jaor leeft zie under de radar. En tot het moment dat de zun weer meer kracht kreg, bepaolt balsturige elementen zoas heur winterdepressie en zien posttraumatische waonen de koers. Het was der nog nooit zo woest an toegaon as die dag in december. En de winter mus astronomisch nog begunnen! Ok dizze Valentijnsdag komp e anzetten met een boeket. Zien enkelband sned in zien vel as e op de hurken giet zitten um de tulpen neer te vlijen. Witte tulpen. In het vervolg enkelt witte tulpen!
Schrijvers in en uit Drenthe