Oflopen 9 mei heb ik het deur de Stichting Het Drentse Boek oetgeven kinderboek “Prugelie en de prins die zuik was” prissenteerd in de Sprookjeshof te Zuidlaren. Het eerste exemplaor was veur mien achterkleinkind Tessa, die der slim wies met was.
Ik heb dit boekie met veul plezeer schreven, en mien kleinzeun Sander Aukema, die van beroep illustrator is, hef der ofgemieterd mooie plaoties bij maokt!
Het verhaol geeit over het kleinste kaboutertie uut het kabouterbos, dat mooie avonturen beleeft omdat hij tegen heug en meug een zowat onmeugleke opdracht annimt. Hij kreg hulp van vrunden die hij onderwegens kennen leert en van een vrundelijke heks, maor zölfs dan valt het niet met om alle gevaoren het heufd te bieden.
Het boek is in het Drents schreven. Ik heb de wat oldere, veur kinder muileke Drentse woorden niet bruukt. Het boekie is een veurleesboekie veur de hiel kleine kinder, maor as ze lezen leert hebt, zult ze zuch der met plezeer in verliezen. De mooie plaoties helpt ze der zeker bij! Vernuver je maor met het veurlezen van je kinder en kleinkinder.
“Prugelie en de prins die zuik was” is voor € 19,95 te bestellen bij het Huus van de Taol.